عزيزة جلال

كلمات اغنية هو الحب لعبة عزيزة جلال مكتوبة

بتخاصمني حبة وتصالحني حبة
كل شوية تغضب كده من غير مناسبة
اهدى يا حبيبي اهدى يا حبيبي
هوه الحب لعبة ولا الحب لعبة
بتخاصمني حبة وتصالحني حبة

لما حبينا وحسينا بوجودنا
قولتلي يومها النهاردة احنا اتولدنا
والسنه الجاية دي أول عيد ميلادنا
لسه يادوبك مكملناش سنة
واتخاصمنا وانت الغلطان مش انا
خايفة بكرة الحب يهرب مننا
يهرب من عذابنا ويضيع من قلوبنا
والأسية صعبة

لما بتخاصمني روحي بتخاصمني
والقى نفسي تايهة والدنيا تايهة مني
وتيجي تاني تصالحني تاخدني لدنيتي الحلوة
تهنيني تفرحني تريحني من القسوة
من هنا تصالح وتغضب من هنا
وتخاصمني وانت الغلطان مش انا
خايفة بكرة الحب يهرب مننا
يهرب من عذابنا ويضيع من قلوبنا
والأسية صعبة

يا حبيبي لما تغضب مني قول
وانا اصالحك في ساعتها على طول
قبل ما يفرح عدو ويشمت عذول
وانا جنبك بعد فرقتنا ليالي
عايشة في احساس غريب معرفش مالي
تايهة خايفة يجرى تاني اللي جرالي ليالي
خايفة لتصالح وتغضب من هنا
وتخاصمني وانت الغلطان مش انا
خايفة بكرة الحب يهرب مننا
يرجع تاني جرحي ومتهنّاش بفرحي
وبعدك عني غربة